लोकशाही

आज २५ जानेवारी राष्ट्रीय मतदार दिवस तर उद्या २६ जानेवारी प्रजासत्ताक दिन...या दोन्ही दिवसाचे भारतासारख्या लोकशाही असणाऱ्या देशात खूप महत्व आहे.पण दुर्देवाने लोकशाहीमध्ये असलेला मतदानाचा मुलभूत हक्कच आपल्या भारतात ५० % हून जास्त लोक बजावत नाही.पण तीच लोक मग राजकारणाला नाव ठेवतात , सरकारला शिवीगाळ करतात.पण जर तुम्ही मतदानच करणार नसाल तर तुम्हाला देशातल्या व्यवस्थेला नावं ठेवण्याचा अधिकार तरी आहे का?.खंर तर जे ५०% लोक मतदान करत नाहीत त्याचा फटका जे ५०% लोक मतदान करतात त्यांना होतो.कारण जे मतदान करत नाहीत त्याच्या नावावर बोगस मतदान करून कुणी दरोडेखोर,खुनी,गावगुंड,अशिषित उमेदवार निवडून येतो.ग्रामीण भागात जास्त मतदान होण्याचे कारण तर पैसे घेऊन,दारूच्या बाटल्या घेऊन होते.आपण आपल्याच्या मुलभूत हक्काची पायमल्ली करतो आहोत यांची कुणालाच जाणीव नाही आहे.त्यामुळेच राजकारणी लोकांचे फावते आहे.मग असे दळभद्री सरकार दर पाच वर्षांनी तुम्हाला मिळणे हेच तुमच्या नशिबात आहे का? जर नसेल तर त्यासाठी तुम्ही आतापासून पाऊल उचलून आपला मतदानाचा हक्क बजावून योग्य उमेदवाराला निवडून देऊन खऱ्या अर्थाने प्रजासत्ताक असलेले राष्ट्र बनवण्यासाठी हातभार लावणार आहात का?

निवडणूक आयोग

निवडणूक आयोगाने राज ठाकरे यांच्यावर अंकुश ठेवण्यापेक्षा निवडणुकीत उभे राहणारे उमेदवार खूनी, दरोडेखोर नसावेत याकडे लक्ष दिले तर बरे होईल.अरुण गवळी,छोटा राजन आणि दाऊदचे नातेवाईक उमेदवार म्हणून आता उतरले आहेत मग त्यांचा उमेदवारी अर्ज रद्द का करत नाहीत?.इथे राज्याची धुरा सांभाळणारा राजकारण्यांना शिक्षणाची अट सुद्धा नाही.मग त्यासाठी कडक कायदे का बनवत नाहीत.वयाची सुद्धा अट नसते ..सर्वाधिक तरुण वर्ग असलेल्या भारताचे नेते मात्र साठी,सत्तरी उलटलेले म्हातारे आहेत.इथे सरकारी नोकरी मिळवण्यासाठी वयाची मर्यादा असते.शिक्षणाची अट असते ....मग ती राजकर्त्यांना का नाही?

जरा गर्व बाळगा मराठी असल्याच्या

श्वास हा मराठी सिनेमा आल्यानंतर मराठीत खूप दर्जेदार चित्रपट येत राहिले,पण गल्ला भरू हिंदी सिनेमाच्या गर्दीत मराठी चित्रपटाचा श्वास गुदमरला जात आहेत याची जाणीव मराठी तरुणांना होत नाही ही खरोखरीच शोकांतिका आहे. .ज्या दादासाहेब फाळकेमुळे सिनेमा बनवण्याचा उद्योग देशाला मिळाला त्यांच्याच आयुष्यावर बनलेला "हरिश्चंद्राची फॅक्टरी" तिकीट खिडकीवर आर्थिक गणिते जुळवू शकला नाही.गल्लाभरू हिंदी सिनेमाला गर्दी करताना आपण आपल्या मराठी चित्रपटना.... पर्यायाने आपल्या मराठीला कमी लेखतो आहे असे कुणालाच का वाटत नाही? आपण आपल्या मराठी कलाकारांना कधी डोक्यावर घेणार.? आपल्याच महाराष्ट्रात अजून सुद्धा मराठी चित्रपटासाठी आंदोलने करावी लागतात.? हिंदी सिनेमाचे २०-२४ शो मल्टीप्लेक्ष मध्ये चालू असताना मराठी चित्रपट फक्त १-२ शो पुरते च असतात याची मराठी लोकांना जरा सुद्धा शरम का वाटत नाही.?आपण देवळात गेल्यावर काही रुपये दान करत असतो कारण आपला धर्म वाढवा म्हणून....तीच गोष्ट मराठी धर्माची... त्यासाठी आपल्या मराठी भाषेचा प्रचार होणे खूप गरजचे आहे.चित्रपट,नाटक संगीत,पुस्तके ही काही माध्यमे....जरा गर्व बाळगा मराठी असल्याच्या.आपल्या मराठीचे धिंडवडे निघत असताना शांत बसू नका.